Chocolate pages from Sainthavi: sainthavi

Showing posts with label sainthavi. Show all posts

I love you Sainthavi - by Sibi

Posted by Veliyoorkaran - - 31 comments and to comment

யேய் சிபி..ஒருவேளை நம்ம ரெண்டு பேருக்கும் கல்யாணம் நடக்காம போச்சுன்னா நீ வேற கல்யாணம் பண்ணிப்பியாடா...?

ஈவினிங் ஆறு மணி...பீச் காத்து...பக்கத்துல வேற யாரும் இல்ல..ஏண்டி இப்டி அபத்தமா பேசற....காலம் காலமா இந்த மாதிரி சிட்டுவேசன்ல லவ்வர்ஸ் என்ன பண்ணுவாங்களோ அத மட்டும் பண்ணுவோம் நாம...குட்டி.,குட்டி.. நேத்து பார்த்த இங்க்லீஷ் படத்துல ஒரு நச்ச் கிஸ் சீன் வந்துச்சுன்னு சொன்னேன்ல..அத எப்டி இருந்துச்சுன்னு நடிச்சு காட்டவா...?

அவன் கண்ணை பார்த்து மறுபடியும் கேட்டா..! நீ பர்ஸ்ட் இதுக்கு பதில் சொல்லு.. ஒரு வேலை நம்ம ரெண்டு பேருக்கும் கல்யாணம் நடக்கலைனா, நீ வேற கல்யாணம் பண்ணிபியா மாட்டியா...?

ஆங்..வெல்..ஹவ் டு சே தட் ...! குட்டி சொக்கா இருந்தா...அப்டியே உஷார் பண்ணி கல்யாணத்த பண்ணிட்டு டார்ஜிலிங், சிம்லான்னு ஒரு ரவுண்ட் சூடா போயிட்டு போயிட்டுரலாம்தான்..விடு மச்சி...அதுக்கெல்லாம் குடுத்து வெச்சிருக்கணும்...எனக்கு அதிர்ஷ்ட்டம் இல்ல..சொல்லிட்டு சிரிச்சுகிட்டே ஓரக்கண்ணால சைந்தவிய நக்கலா பார்த்தான் சிபி...

நீ கல்யாணம் பண்ணிக்கடா...நீ சந்தோசமா இருக்கணும்...நான் இல்லைனா கூட நீ சந்தோசமா இருக்கணும்...என் சிபி வாழ்க்கை பூரா சந்தோசமா சிரிச்சுகிட்டே மட்டும் இருக்கணும்..நான்னு இல்லடா..என் சிபி எந்த பொண்ணு வந்தாலும் அவள சந்தோசமா வெச்சுப்பான்..எனக்கு தெரியும்..என் சிபிய பத்தி எனக்கு நல்லா தெரியும்...உன்ன மாதிரி ஒரு நல்ல புருஷன் ,எனக்கு கெடைக்கலங்கற ஒரே காரணத்துனால இன்னொரு பொண்ணு மிஸ் பண்ணிற கூடாது..நீ இன்னொரு கல்யாணம் பண்ணிக்கோ...!

யேய் ச்சீ..என்னடி லூசு மாதிரி என்னனமோ பேசற...நான் எதோ வெளாட்டுக்கு உன்ன வம்புக்கு இழுக்கறதுக்காக சொன்னேன்ப்பா...!

இல்ல சிபி.நேத்து ஏன் பிரெண்ட் அவ லவ் பெய்லியர் பத்தி சொல்லிட்ட்ருந்தா.. அப்போலேர்ந்து ஏன் மைண்ட்ல இது மட்டும்தான் ஓடிட்ருக்கு....திடீர்னு எனக்கு எதாச்சும் ஆய்ட்டா நீ என்ன நெனைச்சுகிட்டே உன் லைப வேஸ்ட் பண்ணிற கூடாதுல்ல..அதான் இப்பவே சொல்றேன்..ஒரு வேலை நமக்கு கல்யாணம் ஆகலைனா நீ வேற கல்யாணம் பண்ணிக்கோ...!

யேய் லூசு..என்னாச்சுடி உனக்கு இன்னிக்கு...நமக்கு இன்னும் ஒரு மாசத்துல கல்யாணம்...ஞாபகம் இருக்கா இல்லையா உனக்கு..?

ஹ்ம்ம்..!

ஏன் குட்டி..,ஒரு வேலை நீ வேற ஒரு பொண்ண கல்யாணம் பண்ணிக்கிட்டா என்னை பத்தி அவகிட்ட சொல்லுவியா...?

யேய்..நான் ஏண்டி நடுராத்திரி மூணு மணிக்கு விஜய் படத்துக்கு போகபோறேன்..? ஏண்டி என்னனமோ சொல்லி என்னை இப்போ கொழப்பர ...?

இல்ல குட்டி சொல்லேன்..ஒரு வேலை உனக்கு இன்னொரு பொண்ணோட கல்யாணம் ஆகி, அவகூட வாழ்ந்துட்ருக்கும்போது அவகிட்ட சைந்தவின்னு ஒரு லூசு பொண்ணு என்னை உயிருக்குயிரா காதலிச்சான்னு சொல்லுவியா...?

சிபி சிரிச்சான்...யேய்..என்னாச்சுடி உனக்கு இன்னிக்கு...?

இல்ல நீ சொல்லேன்..நீ அவகிட்ட என்னை பத்தி சொல்லுவியா மாட்டியா...?

சரி நீயே சொல்லு...உன்னபத்தி அவகிட்ட சொல்லவா வேணாமா...?

கடல்காற்று வேகத்தை குறைத்து சைந்தவியை கவனிக்க ஆரம்பித்தது..

“சொல்லாதடா..நான் உன்ன எவ்ளோ லவ் பண்ணேன்னு தெரிஞ்சா அந்த பொண்ணால தாங்கிக்க முடியாது...!”

தேம்ப ஆரம்பித்தாள் சைந்தவி...

யேய்..என்னாச்சுரி உனக்கு..ஏன் இப்டியெல்லாம் பேசற...? சைந்தவி கம் ஆன்..வாட்ஸ் ராங் வித் யூ...?

சிபி நான் ஒன்னு சொல்லுவேன் செய்வியா..?

தேம்பல் அதிகமாகி இருந்தது சைந்தவியிடம்...

சொல்லுடி...!

நான் இல்லைனா கூட நீ வேற ஒரு கல்யாணம் பண்ணிக்காதரா..ப்லீஸ்ரா...அப்பறம் நீ என்னை மறந்துருவ...அத என்னால தாங்கிக்க முடியாது...!

உடைந்து அழ ஆரம்பித்தால் சைந்தவி...

எதுவும் சொல்ல தோணாமல் அவளை கட்டியணைத்த சிபியின் கண்ணீர் சைந்தவியை நனைத்தது...!

முத்த மழை தூத்தல் போட ஆரம்பித்தது...!

*************************************************************************

பீச் காத்துல, லவ்வர்ஸ் அழுதுகிட்டே கட்டிபுடிச்சுகிட்டு குடுக்கற கிஸ்ஸ விட டேஸ்ட்டான கிஸ் உலகத்துலேயே இருக்க முடியாதுங்க...!

வேணும்னா இந்த ஜோடிகிட்ட கேட்டு பாருங்களேன்...

ஊடலும், பின் கூடலும், அதன் பின் காம தேடலுமே-- "காதல்"..!

***************************************************************************

A Veliyoorkaran Article.

கொஞ்சம் சிபி -- நிறைய லவ் - சைந்தவி..!

Posted by Veliyoorkaran - - 27 comments and to comment

அம்மாவும் அப்பாவும் இன்விடேசன் குடுக்க ஊருக்கு போயிருக்காங்க...திரும்ப வர்றதுக்கு நைட் எட்டு மணி ஆகும்...இவன் காலைல ஒம்பது மணிகெல்லாம் வீட்டுக்கு வந்துடறேன்னு சொன்னவன், இப்போ டைம் எட்டர ஆகுது..இன்னும் காணோம்..இப்டிதான் ஒவ்வொருதடவையும் லேட் பண்ணுவான் இடியட்..!

என்ன பண்ணலாம் சிபிக்கு ,என்னடா சமைச்சு வெக்க என் தங்ககுட்டிக்குன்னு கேட்டா, கோழி சுக்காவும் ஆட்டு கால் பாயாவும்னு முனியாண்டி விலாஸ்ல ஆர்டர் பண்ற மாதிரி சொல்லுவான் வாலு...

கல்யாணத்துக்கு முன்னாடி லவ்வர்சா தனியா மீட் பண்றதுல ஒரு த்ரில் இருக்கதாங்க செய்யுது...வாழ்க்கைல யாருமே மிஸ் பண்ண கூடாத ஒரு த்ரில் அது..தப்பே இல்லாத ஒரு தப்பு அது..!

சிபியோட இன்னிக்கு புல்லா தனியா இருக்கபோறேன்..மனசு அப்டியே ஜிவ்வுன்னு இருந்துச்சு...இவன் வாலாச்சே..ஒழுங்கா இருப்பானா..? இல்லைனா கூட பரவால்ல..வாலா இல்லைனாதான் பிரச்சனை.என் சிபிகிட்ட எனக்கென்ன பயம்..!

அவன் போன வாரம் எடுத்து குடுத்த சாக்லேட் கலர் சுடிதார்ல, லேசா மேக் அப் போட்டுட்டு முப்பத்தி ஆறாவது தடவையா டிரெஸ்ஸிங் டேபிள் முன்னாடி நின்னப்ப தோணுச்சு...ஷால் வேணாம்னு...!

மேடம் கொரியர்...காலிங் பெல்..சிவபூஜைல கரடியான்னு கதவ தொறந்தவளுக்கு ஷாக்..!

வெளில சிபி கைல ஒரு ரோஜாபூவ வெச்சுகிட்டு அழகா சிரிச்சிட்ருந்தான் ...அந்த ரோஜா பூ மாதிரியே...!

வீட்ல யாரும் இல்ல...போயிட்டு...., சொல்லி முடிக்கறதுக்குள்ள போய் சோபால உக்காந்து டிவிய ஆன் பண்ணிட்ருந்தான்..

அப்பறம்., இந்த மீசைய கழுத்து வரைக்கும் ஒழுக விட்ருப்பானே...அந்த ஆள் எங்க..?.வீட்ல இல்ல.?.எங்க அந்த ஆளோட பிகரு...? வரு...எங்கடி இருக்க ...?

பொருக்கி...எங்க அம்மாவ வாடி போடின்னு சொல்லி கூப்ட்ட தொலைச்சிருவேன்..அப்பாவ நேர்ல பார்த்தா மட்டும் உளறி கொட்றது..வீட்ல இல்லைன்னு தெரிஞ்சா பெரிய ரௌடி மாதிரி கலாய்க்கறது...இருடா உன்ன ஒரு நாள் வசமா மாட்டிவிட்றேன்...!

ஏய் சிபி நீ எடுத்து குடுத்த டிரஸ் எப்டி இருக்குன்னு சொல்லேன்...?

அவன் முன்னாடி போய் நின்னு சுத்தி சுத்தி காமிச்சேன்..

சுப்பரா இருக்கு குண்டூஸ்..உனக்கு என்னடி என் ராஜாத்தி...!

ஏய்..நான் ஒன்னும் குண்டு இல்ல..ஜஸ்ட் பிப்டி த்ரீதான்...!

அடிபாவி..இப்டி பொய் சொல்ற..உன் நெஞ்ச தொட்டு சொல்லு நீ குண்டு இல்லைன்னு...!

ஏய் ச்சீ..அசிங்கமா பேசாத...! - சைந்தவி

அடிப்பாவி..இப்போ அசிங்கமா பேசறது நீனா நானா...இப்டிதாண்டி அப்பாவி ஆம்பளைங்கள வில்லனாக்கறீங்க...!

அப்போ சிரிக்க ஆரம்பிச்சேன்..அதுக்கப்றம், சிரிச்சிக்கிட்டு மட்டும்தான் இருந்தேன்..

நெறைய பேசுனான்...அழகா பேசுனான்..பேசிட்டே இருந்தான்..என் அப்பா மாதிரியே பேசி மிமிக்ரி பண்ணி காமிச்சான்...என்ன ஹால்ல உக்கார வெச்சுட்டு அவனே காபி போட்டு கொண்டு வந்தான்...காதுகிட்ட ஐ லவ் யு சொன்னான்...என் புருவம் எவ்ளோ அழகா இருக்குன்னு அவ்ளோ அழகா சொன்னான்..இன்னொரு தடவ சொல்ல மாட்டானான்னு இருந்துச்சு...ரெண்டு தடவ பின்னாடிலேர்ந்து கட்டிபுடிச்சான்...

இவனோட இருக்கும்போது மட்டும் ஏன் என் வாழ்க்கை இவ்ளோ அழகா இருக்கு..?

சிரிக்க சிரிக்க உப்பு மூட்டை தூக்குனான்..தூக்கிட்டு முதுகுல என்னமோ குத்துதுடி என்னன்னு பாருன்னு சொல்லிட்டு சிரிச்சான்...பொருக்கி..!

ஆறு மாசத்துக்கு முன்னாடி சிபின்னு ஒருத்தன் இந்த உலகத்துல இருக்கறதே எனக்கு தெரியாது...இப்போ இவன தவிர என் உலகத்துல வேற யாரும் இருக்கறதா எனக்கு தோணல...பொம்மைய தொலைச்ச கொழந்த மாதிரி இவன் இல்லைனா எனக்கு அழுக வருது...நான் எப்ப குழந்தையானேன்...எனக்கு என்னாச்சு..என்னை என்ன பண்ணிட்ருக்கான் இவன்..?

இதுக்கு என்னை பேர்னு கூட எனக்கு தெரில..,

என்னை பேர் வேணா இருந்துட்டு போகட்டும்...!

சிபி எனக்கு வேணும்..என்கூடவே இருக்கணும் .அவ்ளோதான்..

எப்பவும் சிபிதான் என்கிட்டே கேட்டு கெஞ்சுவான்..

இன்னிக்கு நான்..,

"ஏய் சிபி...வந்து..வந்து...எனக்கு...எனக்கு...,"

நான் சொல்லி முடிக்கறதுக்கு.....!

A Veliyoorkaran Article.

Sweet சைந்தவி & Chocolate சிபி

Posted by Veliyoorkaran - - 33 comments and to comment

அம்மா நூறு டெசிபலில் கத்தினாள்.

"சைந்தவீ...ஃபோன் அடிக்குது பாரு..."

சைந்தவி எரிச்சலாக வந்தாள். அப்பாவுக்கான ஃபோனா இருக்கும்.

இன்னும் எல்லார்ட்டையும் லேன்ட்லைன் நம்பர் கொடுக்கற புண்ணியவான்.

'ஹலோ.."

"சைந்தவிஇருக்காங்களா..?"
"நீங்க..?"

"நாங்க ஆர்டிஓ ஆஃபீஸ்ல இருந்து பேசறோம்..இன்னும் இந்த வருஷம் நீங்க டாக்ஸ் ஃபைல் பண்ணலை.இது சட்டப்படி குற்றம்.இதுக்கு எகனாமிக் அஃபன்ஸ் ஆக்ட் 568 சி படி எவ்வளோ அபராதம் தெரி..."

"ஆர்டிஓ ஆஃபீஸ்ல இருந்து டேக்ஸா...ஹேய் ஹேய்...இரு...!

யார் இது...?

யேய்சிபி..நீதான...!"

"ஹா..ஹா...கண்டுபுடிச்சுட்டியா...எனக்கு குடுக்க வேண்டியதை குடுத்திருந்தா நான் ஏன் உன் வீட்டுக்கு ஃபோன் பண்ணி கேக்கப்போறேன்"

"அடப் பாவி...அதுக்காக உன்னை யாரு லேண்ட் லைனுக்கு பண்ண சொன்னது?அம்மாவுக்குத் தெரிஞ்சா...!

சரி எங்க வரணும் சொல்லு வந்து குடுத்துத் தொலைக்கிறேன்"

"சரியா அரை மணி நேரத்துல உங்க வீட்டுப் பக்கத்துல இருக்கிற பஸ் ஸ்டாப்ல வந்து நில்லு..நான் வந்து பிக்கப் பண்ணிக்கிறேன்...!"

யாருடி அது ஃபோன்ல...?
ரிசீவரைப் பொத்தி..."உனக்குதான்மா...!

ரிசீவரை அம்மா கையில் கொடுத்தாள்.

"ஹலோ யாரு.."

சிபி உஷாரானான்.
"இந்த டியூனை காப்பி பண்ணனும்னா ஸ்டார் மற்றும் ஒன்பதைஅழுத்துங்க.

வேண்டாம்னா வீட்ல டேப் ரிக்கார்டர்ல போட்டு கேளுங்க.."

ஃபோனை டக்கென வைத்துப் பெருமூச்சு விட்டான்.

ராட்சசி...!

சரியாக அரைமணியில் சைந்தவி பச்சை சல்வாரில் பஸ் ஸ்டாப்பை அடைந்திருந்தாள். கண்ணுக்கெட்டின தூரம் வரையில் யாரும் வரவில்லை ஒரே ஒரு நகர பேருந்தை தவிர. எங்க போய் தொலைஞ்சான் இந்த சிபி என்று யோசித்துக் கொண்டிருக்கும் போதே பஸ்ஸினுள் இருந்து குரல் கேட்டது...

சைந்தவி..வா ஏறு...!

ராஸ்கலே தான்.

"வந்து பிக்கப் பண்ணிக்கிறேன்னு சொன்ன...!" - சைந்தவி.

"ஆமா அதான் பிக்கப் பண்ணிட்டேன்ல..பஸ்லன்னு சொல்ல மறந்துட்டேன்...!"

அடக்கடவுளே இவனோட எப்படி லைஃப் முழுக்க ..என்று யோசித்த படியே சிபியோடு பின் சீட்டில் அமர்ந்தாள்.

சரி இப்பக் குடு - சிபி

"அய்யோ பஸ்லயா...என்ன விளையாடறியா?"

"சரி! அடுத்த ஸ்டாப்ல ஒரு பார்க் வரும்..யாரும் இருக்க மாட்டாங்க!"

சிபி ... உனக்கு விவஸ்தையே கிடையாது!

சரி இறங்கினவுடனே குடு!

சிபி...நீ அடங்க மாட்ட! முதல்ல என்னை வீட்ல கொண்டு போய் விடு. அம்மா தேடுவாங்க!

அடிப்பாவி! நேத்து அப்படி கொஞ்சினே!

"ம்ம்..அது ஃபோன்ல..போர்வையை ஃபுல்லா போர்த்திட்டு ஒரு தைரியத்துல சொல்லிட்டேன்.அதுக்காக இப்படியா பப்ளிக்ல..! உன்னை ரெண்டு நாள் காயப்போட்டாதான் சரிப்படுவ!"

"அப்போ இன்னைக்கு கிடையாதா?"

"இன்னிக்கு அதுக்கு சண்டேடா செல்லம்....இப்போ சமர்த்தா என்னை வீட்ல கொண்டு போய் விடுவியாம்..இல்லைன்னா...இந்த வாரம் முழுக்க சண்டே தான்..!"

சே..என்றிருந்தது சிபிக்கு. எவ்வளவு ஆசையாக வந்தோம். -ஜஸ்ட் ஒன்னு கூட கிடைக்கலையே என வெறுப்பு உச்சந்தலையில் டான்ஸ் ஆடிக்கொண்டிருந்தது.

ம்ஹ்ம்...ஓகே! வா உங்க வீட்டுக்குப் போகலாம்!

"வீட்டுக்கு உன் கூடவா...அவ்வளோதான் அம்மா தலைலயே ரெண்டு வைப்பா... இதே பஸ்ல ரிடர்ன் போயிக்கலாம்...ஸ்டாப்ல இறங்கி என் வீட்டுக்குப் போக எனக்குத் தெரியும். சார் கவலைப்படாதீங்க...!"

"அதெல்லாம் நான் பார்த்துக்கிறேன்! வா " என்று முதலில் சைந்தவியை அனுப்பி வைத்து விட்டு சற்று நேரம் கழித்து சிபி சைந்தவி வீட்டுக்கு வந்தான்.

"வாங்க மாப்ப்ள...அப்பா எதுவும் தகவல் சொல்லி விட்டாரா! திடு திப்புன்னு வந்துருக்கீங்க...ம்மா சைந்தவி... அம்மாட்ட சொல்லி காஃபி போட சொல்லு!"

"இல்லை மாமா வந்து, அப்பா அட்வான்சுக்கு மண்டபம் குடுத்துடீங்கலான்னு கேக்க சொன்னார்...இல்லை இல்லை.. மண்டபத்துக்கு அட்வான்ஸ்......."

சைந்தவி அப்பாவோட மீசையை பார்த்து, சிபி நாக்கு பயத்துல உளறி கொட்ட ஆரம்பித்தது... ஆறாங்கிளாஸ் பயாலஜி டீச்சரைத் தவிர சிபி இப்படி தடுமாறி அவனே பார்த்ததில்லை.

" ஹா ஹா புரியுது மாப்ள ..நீங்க சைந்தவிட்ட பேசிட்டு இருங்க..நான் இதோ வந்துடறேன்!"

மீசை வைத்த கதர் துண்டு பார்ட்டியானாலும் மேன்மக்கள் மேன்மக்களே.

ஹாலில் யாருமில்லை. சைந்தவி அம்மா வர அம்பது வினாடிகளாவது ஆகும். சடாரென சைந்தவியை இடுப்போடு அணைத்து சத்தமே இல்லாமல் சைந்தவிக்கு காது மூக்கு கண் எல்லாம் சிவக்க ரெண்டு முத்தங்கள் கொடுத்தான் சிபி.சைந்தவியால் திமிறக்கூட முடியவில்லை...அட்ரினலின் உச்சத்தில் இருந்தது.

ராட்சஸன்...சாதிச்சுட்டான் என நினைத்து உதட்டை துடைத்து கொள்ளவும், அம்மா காஃபி கொண்டு வரவும் சரியாக இருந்தது.

"என்னடி பேந்த பேந்த முழிச்சுட்டு இருக்க...மாப்ளக்கு காஃபியை கொடு...

சைந்தவீ....மாப்ளைக்கு ஸ்வீட் கொடுத்தியா"

ரெண்டு ஸ்வீட் அவனே..ஸாரி! அவரே எடுத்துக்கிட்டாரும்மா ...!

என்னடி உளர்ற...?

உள்ளே இருந்து சவுண்ட் வந்தது... சைந்தவி அப்பாதான்...

"ஏய்...அவங்க மாத்தி மாத்தி உளறிக்கட்டும்...நீ விட்ரு!"

A article by Rettaivals.

நிலம் நெருப்பு நீர் சிபி சைந்தவி.,

Posted by Veliyoorkaran - - 20 comments and to comment

சைந்தவி சிபி...

இந்த பேர படிச்ச உடனே கார்னேட்டோ ஐஸ்க்ரீம காதல்ல கரைச்சு இதயத்துக்குள்ள ஊத்துன மாதிரி இருக்கா..அப்போ நீங்களும் சிபி சைந்தவி ஜோடிய காதலிக்கற காதலர்கள்..உள்ள வாங்க பாஸ்...சிபியையும் சைந்தவியையும் உங்கள்ளுக்கும் எனக்கும் மட்டும் இல்ல...காதல்னா காரி துப்புர கம்னாட்டிங்களுக்குகூட இந்த காதல் ஜோடிய புடிக்கும்.. ஒரு சின்ன இடைவெளிக்கு பிறகு இவங்க ரெண்டு பெரும் அடிக்க போற ஜாலி கலாட்டகள நீங்க மறுபடியும் ரசிக்க போறீங்க...இந்த பதிவ புதுசா படிக்கறவங்களுக்கு சைந்தவி சிபியா பத்தின ஒரு சின்ன அறிமுகம்..

சிபி :

ஒவ்வொரு வெள்ளிகிழமை காலைலயும் கல்யாணம் ஆகாத பிகருங்க கருக்கல்ல குளிச்சிட்டு ஈரத்தலையோட சாமி முன்னாடி நின்னு மணிக்கணக்கா வேண்டறது சிபி மாதிரி ஒரு ரொமண்டிக் புருஷன் தனக்கு கெடைக்கணும்கரதுகாகதான்..அதுக்காக ரேபான் க்ளாஸ் போட்டுக்கிட்டு எல்பாசோ வாசனைல கார்ல வந்து எறங்கி இங்க்லீஸ்ல தும்முற ஹை கிளாஸ் டிக்கெட் இவன்னு தப்பா நெனைச்சிறாதீங்க... ரெண்டு கட்டிங் கூட போய்ட்டா இவன் பேசற கெட்ட வார்த்தைல பாரே நாறும்...இன்னும் ரெண்டு கட்டிங் கூட போயிட்டா ஊரையே நாரடிச்சிருவான்...அதே மாதிரி பிகருங்க இவன்கிட்ட பத்து நிமிஷம் பேசுனா போதும்...வீட்டுக்கு போய் நைட் பெட்லேர்ந்து உருண்டு கீழ விளர வரைக்கும் சிரிச்சுகிட்டே இருப்பாங்க...அவ்ளோ ஜோக் அடிப்பான் இந்த ரொமண்டிக் ராஸ்கல்...இந்த கதைய படிக்க போற பசங்களுக்கு சிபிய புடிக்குதோ இல்லையோ...பிகருங்களுக்கு கண்டிப்பா புடிக்கும்...அப்டி ஒரு ரொமாண்டிக் இடியட்...நீயும்தான் இருக்கியே மடசாம்ப்ரானின்னு பசங்க தான் கேர்ல் பிரெண்டுகிட்ட கொமட்டுகுத்து வாங்காம இருக்கணும்னா இந்த கதைய உங்க கேர்ல் பிரெண்ட்ஸ படிக்க விட்ராதீங்க...!

சைந்தவி

இந்த பேர படிச்சோன்னையே சும்மா ஜிவ்வுங்காதா...? அதான் சார் சைந்தவி..சிபிய கல்யாணம் பண்ணிருக்கற பொண்ணு...இல்ல இல்ல..சிபிய கல்யாணம் பண்ணிருக்கரதுக்காக பொறந்த பொண்ணு..இவ ரொம்ப அழகெல்லாம் இல்ல...ஆனா,ஸ்பென்சர்ல இவ க்ராஸ் பண்ணி போனா கண்டிப்பா ஒரு தடவ திரும்பி பார்க்கலாம்..அப்டி ஒரு அழகு...நம்ம பொண்டாட்டி இப்டி இருப்பாளா அப்டி இருப்பாளான்னு தமிழ்நாட்டு பசங்க மல்லாக்க படுத்து பைனல் எக்ஸாம்க்கு மொதோ நாள் யோசிச்சு வெச்ச எல்லாமாதிரியும் இருப்பா இவ...தங்கமான பொண்ணு...அதுக்காக கொத்தமல்லி சட்னியும் புதினா துவையலும் அரைச்சு வெச்சுகிட்டு புருஷன் எப்ப வருவான்னு வாசலையே பார்த்துகிட்ருக்கற சீரியல் குடும்ப பொண்ணுன்னு நெனைச்சிறாதீங்க...

வெத்தகொழம்பு எவ்ளோ நல்லா வெக்க தெரியுமோ, அத விட நல்லா குவாண்டம் பிசிக்ஸ் தெரியும்...ஹிண்டுல வர்ற க்ராஸ் வேர்ட் பஸ்ஸுல கிட்டத்தட்ட டெய்லி முடிக்கற அளவுக்கு ப்ரில்லியன்ட் பட்டாசு இவ.. வழக்கமா எல்லா ரொமான்டிக் ராஸ்கல்களுக்கும் சாஃப்டான ஒரு ஜோடி தான் கிடைக்கும்ங்கறது ஏ.வி.எம் ஆரம்பிச்ச காலத்துல இருந்து சம்பிரதாயம்! ஆனா இந்த சைந்தவி இருக்காளே... இவ மாதர் குல லஷ்கர் இ தொய்பா....! இவங்க ரெண்டு பேரோட காதல் கலாட்டாவதான் நீங்க இனிமே படிக்க போறீங்க...

இந்த வாலுங்களோட முழு கதையும் தெரியணும்னா இத படிச்சிட்டு வாங்க...

Chocolate Pages from Sainthavi

1) I love you-by Sainthavi - Veliyoorkaran

2) மீ டூ சைந்தவி...! - சைந்தவி புருஷன் -Veliyoorkaran

3) இப்படிக்கு சைந்தவி, W/O சிபி - Rettaivals

4) உஷ் பேசாத..! சைந்தவி - Veliyoorkaran

5) சாக்லேட் பக்கங்கள் - Love at First Sight - Rettaivals

6) பொண்ணு பார்த்த கதை - சைந்தவி -Veliyoorkaran

7) மக்கு குட்டி..! - சைந்தவி – Vasantha Kaala Paravai

8) மிஸ் யு சைந்தவி - சிபி - Veliyoorkaran

9) சிபி Vs சைந்தவி - Live on Chocolate Pages- Rettaivals

10) Sweet சைந்தவி & Chocolate சிபி - Rettaivals

11) கொஞ்சம் சிபி -- நிறைய லவ் - சைந்தவி..! - Veliyoorkaran

12) I love you Sainthavi - by Sibi - Veliyoorkaran

விரைவில்

"நிலம் நெருப்பு நீர் சிபி சைந்தவி"

Veliyoorkaran & Rettaivals

சிபி Vs சைந்தவி - Live on Chocolate Pages

Posted by Veliyoorkaran - - 26 comments and to comment

"ஹலோ ஜுஜ்ஜு கண்ணு... ....என்ன மறந்துட்டியாமா.?"

"நான் பிஸியா இருக்கேன்!.. நீ மொதல்ல போன வை...."

"சரி பாப்பு கிட்ட குடு"

"ஹாய் டாட்..!"

"அம்மா என்ன பிஸியா இருக்காளா..?"

"டி.வி பார்த்துட்டு இருக்காங்க.."

"அவ இப்படியே இருந்தான்னா, அப்பா டைவ்ர்ஸ் பண்ணிடுவேன்னு சொல்லு.."

"ஃபோனை கையில் வைத்துக் கொண்டே "ம்மா...அப்பா உன்னை டைவர்ஸ் பண்ண போறாராம்...!

"ரொம்ப சந்தோஷம்...சீக்கிரம் பண்ண சொல்லு! சரி சாப்பிட்டாச்சான்னு கேளு- சைந்தவி..!

"ப்பா..சாப்ட்டியா!"

"ம்ம்..சாப்டேன்டா குட்டி...! நீ என்னடா சாப்பிட்ட..!

"ம்ம்..பிஸ்கெட்!"

"அம்மா வெஜ் ரைஸ் பண்ணுவாளே...இன்னிக்கு பண்ணலையா,,?

"பிஸ்கெட்டே பெட்டர்ப்பா.! ..அம்மா பார்க்கிற சானல் பயங்கர போர்.... எதுவுமே புரியாம ரொம்ப நேரமா டிஸ்கவரியே வச்சிருக்கா!....எப்போப்பா வர்ற நீ!"

"அப்பாக்கு பயங்கர வேலைடா கண்ணு!"

ஃபோனை சட்டென புடுங்கிய சைந்தவி " அங்க என்ன இப்போ வெட்டி முறிக்கிறீங்க?"

"நேத்து என் பாஸ் குடுத்த ஆடிட் ரிப்போர்ட்ல.."

"உண்மையை சொல்லு!"

"அது ப்ளாக்ல ஒரு ஆர்டிக்கில் படிச்சிட்ருந்தேன்..!

"கஷ்டம்! ப்ளாக்னால டைவர்ஸ்னா ஜட்ஜ் சிரிப்பார்..!"

"அடிப்பாவி...டைவர்ஸ் பண்ணிடறதா முடிவே பண்ணிட்டியா..?"

"சொன்ன வார்த்தையைக் காப்பாத்தாத நீயெல்லாம் என்ன புருஷன்?"

"ஹேய்! கூல் கூல்.. பெரிய வார்த்தையெல்லாம் பேசாத!".. ..!"

"நேத்து என்னடா சொன்ன? நாளைக்கு ஒரு நாள் நான் சமைக்கிறேன்னு சொன்னேல்ல. உன்ன நம்பி இப்போ நானும் பாப்புவும் பட்டினி .!

பக்கத்து அறையில் இருந்து எழுந்து வந்து சிபி மேல் ரிமோட்டை எறிந்தாள் சைந்தவி. அப்பாடா என்ற பாப்புவிடம் ரிமோட் கிடைத்த மறு வினாடி டி.வி கார்ட்டூன் சானலுக்கு மாறியது.

"பக்கத்து ரூமில தான இருந்த...அப்புறம் என்ன ஃபோன்?"- சைந்தவி

"நீ ஏர்டெல் விளம்பரம் பார்த்ததில்லையா..."

"எனக்குன்னு அமைஞ்சிருக்கு பாரு..கடவுளே!..கையை எடுங்க...ஹேய் இன்னிக்கு நோ கொஞ்சல்ஸ்! நான் சொல்லித் தறேன்..நீங்க சமைச்சே ஆகனும்! என்ன செஞ்சாலும் குறை சொல்றாளே உங்க அருமைப் பொண்ணு... அவளுக்கு அவங்கப்பா லட்சணம் தெரியணும்...அப்போதான் வாயை மூடிட்டு ஸ்கூலுக்கு நான் குடுத்தனுப்பறதை எடுத்துட்டுப் போவா!"

சிபியும் சைந்தவியும் கிச்சனுள் எகிப்து,லிபியா ரேஞ்சுக்கு புரட்சி ஒன்று நடத்திக் கொண்டிருக்கையில் டெலிஃபோன் அலறியது.

பாப்பு எடுத்தாள்.

"ஹலோ"
"ஹலோ பாப்பு குட்டி .. சிபி இருக்கானா?"

"ம்ம்...அப்பாவும் அம்மாவும் கிச்சன்ல.."

"சமையல் பண்றாங்களா.."

"இல்ல அங்கிள் .ரெஸ்ட்லிங்!"

"அப்போ நீ இன்னைக்கு சாப்பிட்டா மாதிரி தான்!"

"இல்லை அங்கிள்...இது வேலைக்கு ஆவாதுன்னு தெரியும்!அதான் அப்பொவே ஒரு பீட்ஸா ஆர்டர் பண்ணிட்டேன்!"

இதைக் கேட்ட உடன் சடாரென வெளியே வந்தனர் சிபியும் சைந்தவியும்.

யாருடா போன்ல.?..

"பிள்ளைக்கு சாப்பாடு செய்யுங்கன்னா கிச்சன்ல உக்காந்து லவ்வா பண்றீங்க!" பார்த்துகிட்டே இருங்க..என்னிக்கோ ஒரு நாள் உங்க ரெண்டு பேரையும் நான் டைவர்ஸ் பண்ணபோறேன் ...! இந்தாங்க வந்து பேசுங்க..அங்கிள் லைன்ல இருக்காரு..!

வெஜ் ரைஸ் என்கிற பெயரில் இருந்த வெந்தய களியை அசடு வழிய பார்த்துகிட்டே போனை வாங்கி ஹலோ சொல்லிய சிபியின் முகம் மலர ஆரம்பித்தது...!

A article by

ரெட்டைவால்ஸ்

மிஸ் யு சைந்தவி - சிபி

Posted by Veliyoorkaran - - 50 comments and to comment

எனக்கு பெருசா எதுவும் வேணாம்டா..நீ சாப்டும்போது உன் கைய்யால ஆசையா ஒரு வாய் எனக்கு ஊட்டிவிடு..எனக்கு அது மட்டும் போதும்..காலம் புல்லா உன்னோட வாழ்ந்துட்டு ஒரு நாள் சந்தோசமா செத்து போயிருவேன்..ஜீன்ஸ் டி.ஷர்ட் போட்டுக்கிட்டு என் சைந்தவி ஒரு நாள் என் கண்ணபார்த்து சொன்னப்போ எனக்கு ஒரு விஷயம் தோனுச்சு..ஜீன்ஸ் டி ஷர்ட் போட்டுக்கிட்டு பொண்ணுங்க என்னதான் மாடர்னா காமிச்சுகிட்டாலும் பொண்ணுங்க பொண்ணுங்கதான்னு...மனசுக்கு புடிச்ச புருசன ஒரு பொண்ணால காதலிக்க முடிஞ்ச அளவுக்கு ஒரு பையனால தான் காதல் பொண்டாட்டிய காதலிக்க முடியாதுன்னு...சைந்தவி அவ காதலால என் காதல தோக்கடிச்சுகிட்டே இருக்கா...ஒவ்வொரு தடவையும்...!

வாழ்க்கை அழகு பாஸ்...அதுவும் சைந்தவிங்க கெடைச்ச எல்லா சிபிக்களுக்கும் வாழ்க்கை சொர்க்கம்..!

என் சைந்தவியும் பாப்புவும், பாப்புவோட ஸ்கூல் லீவுக்காக ஊருக்கு போயிருக்காங்க...பதினைஞ்சு நாள் என்ன தனியா விட்டுட்டு போயிருக்காங்க..யார்கிட்டயும் சிரிச்சு பேச புடிக்கல...கிரிக்கெட் மேட்ச் பார்க்க புடிக்கல...பாப்புவோட வெளாட்னும்போல இருக்கு...எப்ப பார்த்தாலும் லேப்டாப் நோண்டறத விட்டுட்டு நான் பேசறத கொஞ்ச நேரம் கேள்றா எருமைன்னு சைந்தவிகிட்ட திட்டு வாங்கணும் போல இருக்கு..தண்ணியடிக்கரத தவிர வேற எதுவுமே புடிக்கமாட்டேங்குது..(ச்சே கடைசி வரில தக்காளி வெளியூர்க்காரன் உள்ள வந்துட்டான்..டேய் வெளில போடா டேய்...)

என் சைந்தவி ஊருக்கு போய் அஞ்சு நாளாகுது...அவள பார்க்கணும் போல இருக்கு..போன வாரம் ஏண்டி அந்த ப்ரேஸ்லெட்ட தொலைச்சன்னு அவள வம்புக்கு சண்டைக்கு இழுக்கணும் போல இருக்கு...ஏண்டி டிஸ்கவரி சேனல் பார்க்கரப்பல்லாம் எனக்கு உங்க அப்பா ஞாபகம் வருதுன்னு அப்பாவித்தனமா கேட்டு அவள கடுப்பேத்தனும் போல இருக்கு..நான் தூங்கரத அவ ரசிச்சு பார்க்கறத நான் தூங்காம இருந்து ரசிக்கணும் போல இருக்கு..அவ டிரஸ் பண்ணும்போது பக்கத்துலையே இருந்து அவ சிரிக்க சிரிக்க கமென்ட் அடிக்கணும் போல இருக்கு... இப்ப அவளும் என்ன கண்டிப்பா மிஸ் பண்ணுவாளா இருக்கும். !

என் சைந்தவிய நான் குழந்தைலேர்ந்து பார்த்து பார்த்து வளர்க்க முடியலயேங்கற வருத்தம் எனக்கு இருக்ககூடாதுங்கறதுக்குத்தான் என் சைந்தவியே வந்து எனக்கு மகளா பொறந்துருக்கா போல..அதே அழகு கண்ணு..கொழு கொழு கன்னம்..என் பாப்புவ பார்த்துகிட்டே இருக்கலாம் தெரியுமா...நான் இல்லாம ஊர்ல எவ்ளோ கஷ்டபட்றாலோ தெரில..அப்பாவ பார்க்கணும்.. என்னை என் அப்பா வீட்டுக்கு கூட்டிட்டு போங்கன்னு சைந்தவிக்கிட்ட அழுதுகிட்டே இருக்காலாம்.. அவ குட்டி பொண்ணு...அவங்கம்மாகிட்ட கேட்ருவா.. நான் யார்கிட்ட போய் கேப்பேன்..என் பாப்புவ பார்க்கணும்..என்னை கூட்டிட்டு போங்கன்னு..!

மனசுக்கு புடிச்சவங்கள பிரியற பிரிவு ரொம்ப கொடுமை பாஸ்...அது பதினைஞ்சு வருசமா இருந்தாலும் சரி..பதினைஞ்சு நாளா இருந்தாலும் சரி..!

ஒரு நிமிஷம் இருங்க சார்..நான் போய் பாப்புகிட்டையும் சைந்தவிகிட்டையும் ஒரு வார்த்தை பேசிட்டு வந்துடறேன்...என் தங்கபவுனு சாப்ட்டாலா என்னனு தெரில..பேசி அஞ்சு மணி நேரம் ஆச்சு...!

என் குரலை கேக்கலைனா என் பாப்பு சாப்ட மாட்டா...!

வெளியூர்க்காரன்

@சைந்தவி கெடைச்ச சிபிக்களுக்கு.//

நீங்களும் ஒரு தடவ உங்க சைந்தவிகிட்ட எதேச்சையா சொல்ற மாதிரி இன்னிக்கு ஒரு தடவ ஐ லவ் யு சொல்லிருங்க...எல்லா சைந்தவிங்களுக்கும் தான் புருஷன் தன்கிட்ட அடிக்கடி ஐ லவ் யு சொல்றது ரொம்ப புடிக்கும்...கல்யாணம் ஆகி பத்து வருஷம் ஆய்ருந்தா கூட...!

@சைந்தவி கெடைக்காத சிபிக்களுக்கு.//

சனியனே..உனக்கெல்லாம் அட்வைஸ் ஒரு கேடா...போ போய் எந்த கருமத்தயாச்சும் குடிச்சுபுட்டு வீட்டுக்கு போய் அக்கா மேல கை படாம குப்புற படுத்து தூங்கிரு..ஏதும் சில்மிஷம் பண்ணி எழுப்பிகிலுப்பி விட்டு அடி வாங்கிறாத எழவு..!

வெளியூர்க்காரன்

மக்கு குட்டி..! - சைந்தவி

Posted by Veliyoorkaran - - 35 comments and to comment

பொண்ணு பார்த்த கதை .

எனக்கு மூச்சு பேச்சே வரல, எல்லார்கிட்டயும் இவ்ளோ நல்லா பேசறவன் என்கிட்டே என்ன பேச போறானோன்னு ஒரே நடுக்கம்.

ஆனா, இன்னும் கொஞ்ச நாள்ல இவன தூங்க விடாம விடிய விடிய பேசபோறோம்னு மட்டும் உள்மனசு அடிச்சு சொன்னுச்சு..!

தோட்டத்துக்கு வந்தோம்,

அப்போதாங்க அவன முழுசா பார்த்தேன்,

கொஞ்சம் க்ளோஸ் அப்ள அவன பார்த்ததும், மனசுக்குள்ள ஏதேதோ ஜப்பானீஸ் எழுத்தெல்லாம் குறுக்க நெடுக்க ஓடுனுச்சு... அத தமிழ்ல ட்ரான்ஸ்லேட் பண்ணி பார்த்தப்போ வெக்கம்னு வந்துச்சு..!

"என்ன ரொம்ப வெட்கப்பட வைக்கரிங்கன்னு" அவன் காதுக்குள்ள சொல்லனும்போல இருந்துச்சு..

ஆனா சொல்லல...!

அன்னிக்கு சிபி என்கிட்டே என்ன பேசுனான்னு நான் ஆயிரம் க்ளு குடுத்தா அதுல நீங்க அஞ்சத்தான் கரெக்டா கண்டுபுடிப்பீங்க...!

பேச ஆரம்பிச்சான்..,

சிபி : என்ன நிக் நேம் வைக்க போறீங்க?

நான்: நான் எதுக்கு நிக் நேம் வெக்கணும்..?

சிபி: இல்ல கல்யாணத்துக்கு அப்பறம் ஒரிஜினல் பேர் வெச்சு கூப்ட்டா ஒரு கிக் இருக்காது..அதான் கேட்டேன்..!

எனக்கு லேசா கிர்ருன்னு ஆய்டுச்சு.. அட பாவி ...நான் இன்னும் உன்ன புடிச்சிருக்குன்னு சொல்லவே இல்லையேடா என் செல்ல போருக்கின்னு சொல்ல உதடு துடிச்சுது..என் கண்ண பார்த்து என் மனச படிக்க ஆரம்பிச்சிருந்தான் என் மக்கு குட்டி..!

ம்ம்ம்..இன்னும் 5 நாள்ல சொல்றேன்னு சொன்னேன்..!

அழகா சிரிச்சான்...!

அஞ்சு நிமிஷம் எதுவுமே பேசாம இருந்தோம்..எதுவுமே பேசாம என் கண் வழியா நைசா எறங்கி என் மனச திருடிகிட்ருந்தான்..என் கண்ணு முன்னாடியே...!

என்னால எதுவுமே பண்ண முடியல..பண்ணவும் தோணல..

அது அவனோடதுதான...!

அடுத்து என்ன கேட்ருப்பான்னு நெனைக்கறீங்க..

ஒரு ரோஜாவ பூவ என் முன்னாடி மண்டி போட்டு இங்கிலீஷ் பட ஹீரோ மாதிரி ரொமாண்டிக்கா ஐ லவ் யு சொல்லி குடுத்துருபான்னுதான நெனைக்கறீங்க...அதான் இல்ல..!

Phone நம்பருக்கு பதில் Pan நம்பர் குடுங்கன்னு கேட்டான்...

அப்போதான் புரிஞ்சுது பார்ட்டி உள்ள பயத்தை மறைச்சு வச்சுகிட்டு இவ்ளோ நேரம் க்ரிப்பா பேசிக்கிட்டு இருக்குதுன்னு.. அப்போதான் கொஞ்சம் எனக்கும் தைரியம் வந்துச்சு..

போன் நம்பர் குடுத்தேன்..

நான் வேணாம் வேணாம்னு சொல்ல சொல்ல என் நாக்கு அவனுக்கு தேங்க்ஸ் சொல்லி தொலைச்சிடுச்சு...

எனக்கு தேங்க்ஸ்-எல்லாம் வேணாம் வேற வேனும்ம்னு அவன் சொன்னதும்..

மறுபடியும் பயம், எங்க வீட்டு வெள்ளை கலர் உச்சிமாங்காளி (பூனைக்குட்டி ) மாதிரி வந்து கால சுத்திக்கிச்சு..

ஒரு வழியா தைரியத்தை வரவழைச்சுகிட்டு என்ன வேணும்ன்னு கேட்டேன்..

அப்புறமா சொல்லறேன்னு சொல்லிட்டான்...அட பாவி சொல்லிதொலைடா..எதா இருந்தாலும் சத்தியமா தரேன்னு நான் எப்டி அவன்கிட்ட சொல்ல.!

ஆனா அப்போ அவன் கேக்கல..

என்ன கேட்டு இருப்பான்னு கெஸ் பண்ணி வைங்க.. அத கடைசில சொல்றேன்...

நேத்து ட்ராவல் பண்ணதுல ரொம்ப டயர்டா இருக்குமே உங்களுக்கு ...இது நான்.

ஆமாம்ங்க..ஆனா இங்க எதோ ஒன்னு என்னை ரொம்ப சந்தோசமா எனேர்ஜெடிக்கா வெச்சிருக்கு..டயர்ட்னேஸ் தெரியல..! பொருக்கி..என்னைதான் சொன்னான்... !

வெக்கப்பட்டு நிமிர்றதுக்குள்ள உங்ககிட்ட வத்திபெட்டி இருக்கான்னு கேட்டான்..

வத்திபெட்டியா...எதுக்கு கேக்குறான்..பழைய தமிழ் சினிமால வர்ற சாம்பார் ஹீரோஸ் மாதிரி எங்க வீட்டுக்கு வெளக்கேத்த இப்பவே ரெடியா இருக்கீங்களான்னு மொக்கத்தனமா கேட்டு சத்தமா சிரிப்பானோ...பார்த்தா அப்டி தெரியலையே...ஒரு வேலை தம் அடிப்பானோ..அப்டி அடிச்சாலும் பொண்ணு பார்க்க வந்த எடத்துல அடிக்கமாட்டானே...வேற என்னவா இருக்கும்...எதுக்கு இப்போ கேக்குறான்...!

எதுக்கு கேக்குறீங்க...?

அதுக்கு அவன்...,

"ஒண்ணும்ல...இன்னிக்கு என் ராசி பலன்ல தொல்லைன்னு போட்டுருந்துச்சு , அதான்..வீட்டுக்கு போனோன்னோ, எங்க வீட்டு காலன்டர கொளுத்தரதுக்கு கேட்டேன்..!”

லிப்ஸ் கிஸ் எப்டி இருக்கும்னு மனசு யோசிச்சு பார்க்க ஆரம்பிச்சுது....!

எதுக்கு ரெண்டு மோதிரம் போட்ருக்கீங்கன்னு கேட்டான்..

எப்போ பார்த்தீங்க..? இது நான்..

வந்துதுல இருந்து ஷாக் அடிக்கற உங்க கண்ணை மட்டும்தான் பார்த்துகிட்ருக்கேன்...ஆனா, உங்க கண்னை பார்க்க முடியாம என் கண்ணு தவிக்கற நேரத்துல என்னை என்ன பண்ண சொல்றீங்க..அதான் மொதிரத்த பார்த்தேன்..

இவன்கிட்ட பேசி தோத்துபோக யாருக்குதாங்க பிடிக்காது...?

டேய் மக்கு குட்டி..உன்ன எனக்கு ரொம்ப புடிச்சிருக்குடான்னு நான் மனசுக்குள்ள சொல்றத..எங்க வீட்டு ரோஜா செடி ஒட்டு கேட்டுட்டு அவன்கிட்ட சொல்லிடாதான்னு இருந்துச்சு.

சரி நான் கெளம்பறேங்கன்னு சொன்னவ்ன்கிட்ட, தேங்க்ஸ்க்கு பதிலா எதோ வேணும்னு கேட்டீங்கலேன்னு வெட்கத்த விட்டு கேட்டேன்...

ஆமாம்.. என் புருசன்ட்ட எனக்கு என்ன வெக்கம்..

அவன் சொன்ன பதில்:

.............................................................................................

பொருக்கி எதோ பொடி வெச்சுதான் என்கிட்ட அந்த கேள்விய என்கிட்ட கேட்டான்னு எனக்கு தெரியும்..அதனால அவன் கேட்டது எனக்கு புரியாத மாதிரியே நடிச்சிட்டு , எனக்கு அந்தளவுக்கு யோசிக்க தெரியாது, நீங்களே சொல்லிடுங்கலேன்னு கேட்டேன்...!

"நானும் உங்கள பாத்ததுல இருந்து யோசிச்சுகிட்டுதான் இருக்கேன். ஒன்னும் புரியல...நீங்களும் யோசிங்க...வர்ற வெள்ளிகிழமைக்குள்ள சொல்லுங்க சொல்லுங்க, அப்படியும் முடியலன்னா, வெள்ளிகிழமை ஈவினிங் வாங்க...நம்ம காந்தி பார்க்குக்கு போய் உக்காந்து ரெண்டு பெரும் ஐஸ் க்ரீம் சாப்ட்டுகிட்டே யோசிக்கலாம்..அப்பவும் பதில் கெடைக்கலைனா பார்க்குக்கு ஆப்போசிட்ல ஒரு முருகன் கோவில் இருக்கு...சர்க்கரை பொங்கல் நல்லா இருக்கும்...அத வாங்கி சாப்ட்டுட்டு அங்கேயே உக்காந்து ரெண்டு பெரும் திருதிருன்னு முழிக்கலாம்..!”

சிரிச்சிட்டு போய்ட்டான்...

அவன என்கிட்ட விட்டுட்டு...!

----------------------------------------------------------------------------

வெளியூர்காரனுக்கு..,

முடிவில்லா நம் நட்பின் தொடக்கம் போல்,

அன்னியாயகாதலில் ஆரம்பிக்கட்டும் உங்கள் மன வாழ்வு...!

வாழ்த்துக்கள்.

என்றும் அன்புடன்,

சிவா.

வசந்த கால பறவை...

------------------------------------------------------------------------------------------

Chocolate pages from Sainthavi

- The page for icecream romance -

Veliyoorkaran

Jillunnu Silathu...

Rettaival's

Chocolate Pages Fans Club